Muqdisho.(insidesomalia.org)-Dadka ka soo jeeda Qoomiyada oromada ee ku barakacay Magaalada Muqdisho gudaheeda ayaa xiligaan waxa ay ka cabanayaan dhibaatooyin xaga Nolosha ah, iyadoo Hay’adaha gar gaarka ay ka codsadeen in gar gaar la soo gaaraan dadkaan ka soo jeeda Qooomiyada Oromada .

Guddoomiyaha Qaxootiga Oromada ee Soomaaliya ku dhaqan Maxamuud Sheekh Xasan ayaa waxa uu sheegay in ay sii korortay dhibaatada heysata Qaxootiga Oromada, waxaana uu sheegay in sicir bararka ka jira gudaha Dalka Soomaaliya ay saameen balaaran ku yeesaheen dadkaasi Qaxootiga ah.

Maxamuud Sheekh Xasan ayaa tilmaamay in Qaxootigan ay noloshooda ku tiirsaneyd Xamaali, balse ay adkaatay in ay ka xamaashaan Suuqyada Magaalada Muqdisho

Guddoomiyaha Qaxootiga Oromada ayaa ka deeyriyay xaalada ay ku sugan yihiin Qaxootiga Oromada ah ee ku nool agagaarka seybiyaano ee Magaalada Muqdisho,waxaana uu sheegay caruurtooda in aysan helin wax barasho ayna la qeyb sanayaan Qaxootiyada kale ee ku dhaqan Magaalada Muqdisho.

Maxamuud Sheekh Xasan ayaa baaq waxa uu u jeediyay Ganacsatada iyo Hay’daha gar gaarka in ay wax u qabtaan Qaxootiga Oromada ee ku dhaqan Magaalada Muqdisho.